Chandi Ka Badan ( Taj Mahal - 1963 )

chaaNdii kaa badan sone kii nazar
us par ye nazaakat kyaa kahiye
ejii kyaa kahiye
kis kis pe tumhaare jalvon ne
toDii hai qayaamat kyaa kahiye
ejii kyaa kahiye
chaaNdii kaa badan sone kii nazar


gustaaKh zubaaN gustaaKh nazar
ye rang-e-tabiyat kyaa kahiye
ejii kyaa kahiye
aise bhii kahiin is duniyaa men
hotii hai muhabbat kyaa kahiye
ejii kyaa kahiye
GustaaKh zubaaN gustaaKh nazar


aaNchal kii dhanak ke saaye men
ye phuul gulaabii cheharon ke
ye phuul gulaabii haaye gulaabii cheharon ke
is vaqt hamaarii nazaron men
kyaa chiiz hai jannat kyaa kahiye
ejii kyaa kahiye
is vaqt hamaarii nazaron men

tumase nazaren jo miliin
diin-o-duniyaa se gaye
ik tamannaa ke sivaa
har tamannaa se gaye
mast aaNkhon se jo pii
jaam-o-miinaa se gaye
zulf laharaa_ii jahaaN
ham bhii laharaa se gaye
huuren milatii hain kise
is kii paravaah se gaye
is kii paravaah se, paravaah se, paravaah se gaye

is vaqt hamaarii nazaron men
kyaa chiiz hai jannat kyaa kahiye
ejii kyaa kahiye
chaaNdii kaa badan sone kii nazar


yuuN garm nigaahen mat Daalo
ye jism pighal bhii pighal bhii sakate hain
ye jism pighal bhii sakate hain
uDe na kahiin ruup kii shabanam *
garm nigaahen Daalo kam-kam *
aadaab-e-nazaaraa bhuule ho - 2
tum logon kii vahashat kyaa kahiye
ejii kyaa kahiye

tum hamen jiit sako
is kaa imkaan nahiin
Khud ko badanaam karen
ham vo naadaaN nahiin
ko_ii marataa hai mare
ham pe ehasaan nahiin
un se kyuuN baat karen
jin se pahachaan nahiin
tum ko aramaaN hai to hai
ham ko aramaan nahiin
ham ko aramaan ke aramaan ke aramaan nahiin
aadaab-e-nazaaraa bhuule ho
tum logon kii vahashat kyaa kahiye
ejii kyaa kahiye

gustaaKh zubaaN gustaaKh nazar


jin logon ko tum Thukaraa ke chalo *
vo log bhii qismat vaale hain *
tum jis kii tamannaa kar baiTho *
un logon kii qismat kyaa kahiye *
ejii kyaa kahiye

ye javaanii ye adaa **
kyon na maGaruur ho tum **
farsh par utarii hu_ii **
arsh kii huur ho tum **
shoKh jalvon kii qasam **
sholaa-e-tuur ho tum **
ko_ii dekhe to kahe **
nashe men chuur ho tum **

tum jis kii tamannaa kar baiTho *
un logon kii qismat kyaa kahiye *
ejii kyaa kahiye

chaaNdii kaa badan sone kii nazar


din raat duhaa_ii dete hain
ye haal hai in diivaanon kaa
jahaaN dekhii na_ii suurat machal baiThe
yahii, yahii, yahii lenge
ye haal hai in diivaanon kaa diivaanon kaa


jin kii Khaatir Gam sahen aur ro-ro jaaN gavaayeN
haay rii qismat unhiin ke muuNh se diivaane kahalaayeN


in aashiqon ke haath hai
ai zindagii bavaal
in kaa karen Khayaal ke
apanaa karen Khayaal
har lab arz-e-shauq to
har aaNkh hai savaal
ye Gam se beqaraar hai
vo dard se niDhaal

arey ye haal hai in diivaanon kaa
ye haal hai in diivaanon kaa


merii niind ga_ii meraa chain gayaa
vo jo pahale thii taab-o-tabaan ga_ii
yahii rang rahaa yahii Dhang rahaa
to ye jaan lo jaan kii jaan ga_ii

ye haal hai in diivaanon kaa - 2


kisii ko Khud-Khushii kaa, shauq ho to, kyaa kare ko_ii


davaa-e-hijr de, biimaar ko, achchhaa kare ko_ii


ko_ii bevajah sar phoDe to kyon paravaah kare ko_ii


kisii majabuur-e-Gam kaa haal kyon aisaa kare ko_ii


mazaa to hai ke jab tum,
tum taDapaa karo,
dekhaa kare ko_ii


maren ham aur tum par,
ke tum par Khuun kaa
daavaa kare ko_ii

haaN, daavaa kare ko_ii

ye haal hai in diivaanon kaa, diivaanon kaa

jite bhi nahin marate bhii nahin
bechaaron kii haalat kyaa kahiye
ejii kyaa kahiye

chaandii kaa badan sone kii nazar

View another songs of this movie

Submitted by : LyricsMasti

Subscribe to LyricsMasti Song's Feed

Testing.Comming Soon.If want it really soon Help US.Submit it here

Mailed By :